...

呢幾年每次去完旅行, 都想用唔同既方式例如Facebook Photo Album, Facebook Page, #Instagram 去將自己所見所聞記底之餘, 都想同大家分享, 今次又用第二個方式, 首試用Blog 既型式去寫........

估唔到咁快會踏足歐洲呢個咁陌生既國度, 成日諗住未來幾年都只會去海邊既地方, 歐洲既地方留返四五十歲先去........睇返相.....都覺得成件事好奇妙.......

事源其實係2016年提過話去威尼斯扒龍舟, 係呀, 去到意大利水都威尼斯扒龍舟, 諗都冇諗就話去, 點知日子越近, 越去籌備呢件事時.....先知原來歐洲其實冇想像中咁.....高尚.....治安其實可以媲美大家都看底一線既中國.....去到出發前 IS 仲話會恐襲羅馬.....不過都冇得驚咁多.....照Plan...

其實開頭冇諗住會plan 到個trip出黎, 自己未去過歐洲, 英文唔叻...仲要係由1個城市到另1個城市.......但衰在自己 實在時間又較多....團友又信我, 係朋友仔既幫手情況下, 成個trip 既Planing總算順利完成.........

成個trip 會分開 好多 parts 去 post 

Part 1: 威尼斯 上集 Murano, Burano,

Part 2: 威尼斯 下集 龍舟之旅 By facebook album

Part 3: 比薩, 五漁村, 盧卡

Part 4: 佛羅倫斯

Part 5: Siena 

Part 6: 羅馬

Part 7: 梵諦岡 

wa....乜真係有咁多parts 架..? 視乎時間而定打幾多parts啦....XDD

前後共15天的 旅程 ~ let's go ~~~

                            Part 1: 威尼斯 上集 Murano, Burano
是次旅行, 我地早半年已經買定機票 大慨四千蚊, 因為遲一個月買已經貴左千幾蚊 , 坐 Etihad Airways 由香港到阿布扎比 再到意大利 Marco Polo 機場......對我黎講兩程分別大概八個鐘既機程我係完全訓到既....

Pack 好龍舟槳 準備出發 

(出發前好多隊友擔心寄槳會唔會over 左寄倉size各樣野, 但事實証明係唔駛擔心呢個問題的)
第一次搭長途機....Sor....唔知原來有插頭同USB線可以差電.....

阿布扎比機場, 少不了有好多駱駝手信買

都唔知入境係有心定無義.... 個CHOP 硬係要印係密麻麻既一頁.....

坐左十幾個鐘機, 終於到啦！！！！第一時間醫肚先啦,
平均都係 3euro 一枝野飲, 6-7 euro 一個包 (全部都9算咁計)

食左少少醫下個肚仔, 就出發去搵water taxi, 

其實由Marco Polo 機場 要去威尼斯本島, 主要都係 o係機場坐5號巴士 到本島然後再轉相關既水上巴士到相關既站, 而家我為免麻煩, 事前已經問左apartment 可唔可以安排water taxi俾我地, 其他只係apartment 幫我地call taxi, 係機場行大概10-15分鐘就行到去海旁water taxi station, 大概140euro 可以坐6-7個人, 除返開其實每人都只係俾百幾蚊, 抵俾呀.......坐左10分鐘到終於望到威尼斯, 只能說靚同好靚......穿過大大少少既橫河窄流, 係酒店最近既落客位放底我地.......

呢次既行程住宿, 大概都係用400-600 HKD 一晚去搵, 我地威尼斯幾晚都係住下面呢間....

www.veniceapartment.com -  > Zattere Terrace

.

超值的說, ... 七個人住, 但其實係可以容納到三十幾人, 因為呢個比賽最後一晚成隊人都黎晒慶祝, 超熱鬧...

另外, 棄置垃圾威尼斯都採用左定時有回收不同種類垃圾既船係特定位置, 呢個係大家要留意一下的...

正式出發去第一個景點之前, 先介紹下威尼斯本島主要既交通工具 -> 水上巴士

出發前研究左水上巴士呢樣野好耐.......因為站名好似, 又唔係咁識睇D地圖, 又要想預站去站要幾耐..

加上網上都好多介紹單程 (7Euro), 亦有 1(20Euro), 2(30Euro), 3(40Euro),7(60Euro) 既 24 小時制Day Pass, 可以去到站頭先買飛, 唔算難買, 因為都係d 簡單英文有教你點買....而每個站頭都會顯示每架船仲有幾耐到, 唯獨是要留意返個站頭方向係唔係你想去既方向,......而官網都有教你點轉巴士......一切都冇想像中咁難。

威尼斯水上巴士官網